Tekst: Bart van Geleuken
Meziek: Bart van Geleuken, Joss Mennen
Ângers dan ângers
Gein eînheidsworst
Kop boeëve ’t mejvêldj
Haard wêrke vör de kost
Geîne boeëterham mét kieës
Gein twieë oonger-ein-kap
Mer stieëds weer wat noets
Al és ’t soms krap
Gae kuntj lulle waat dejje wiltj
Gae kuntj dînke waat dejje dînktj
mer eîn dînk weît ich zieëker
ich bin wi-j ich bin
ich bin wi-j ich bin
Ângers dan ângers
Gein nuuëge tot vief
Dus ouch geîn maondjsalaris
mer det hieët niks um ’t liêf
Doon woeë ich good in bin
en ederen daâg mét plezeer
maak ich waat ich wil make
en op mien eîge meneer