Tekst & Meziek: Joss Mennen
‘t És alweer vörbeej
Waat gieët de tiêd toch vlot
Ich haaj d’r al zoeëlang nao oetgekieëke
Blief nog effe heej
De daâg és toch kepot
Nog wat drînke, vuuërdet d’n aovendj és verstrieëke
Want alles waat vörbeej és
Keumtj noeëts mieër trök
Daorum geneet ich van ‘t laeve
Ouch al heb ich ‘t drök
Mét e good geveul van binne
Doon ich straks mien ouge tow
Mêrge lachendj weer beginne
Dan perbieër ich ‘t weer opnow !
Ich betaal ‘t volle poond
Neet alles zitj mej
Mer toch mojje d’r zelf wat van make
Ich bin gelökkig en gezoond
Ich heb dich aan mien zi-j
Det zeen vör mich de mieëst waerdevolle zake
Vör dich e lidje zînge
Ich kân zégke mét miene zang
Pak dien kâns, noow det ‘t nog kân
De allerkleinste dînge
‘t Allergroeëts belang
Ich drînk mêrge weer ‘n tas koffie beej oeës mam