Tekst: Joss Mennen
Muziek: Joss Mennen, Bart van Geleuken, John Rovers
Ich volg de berichte
Oeëver oeërlog en klimaat
Ich laes de gezichte
Zeen verdreet en ich zeen haat
De allergroeëtste gekke
Hebbe de tawkes in hang
Ze laote uch verreke
Neme os in de tang
Mer soms wil ich mien auge sloeëte
Effe weg van al ut leid
Es dit vluchtgedraag ?
Of un verlange nao veiligheid
In ‘t hukske vanne bânk
Drei-jtj de waereldj alein vur os
Saame met dich, laote vae ut los
Los van alledaag en waat d’r allemaol gebuuërdj
Es dit vluchtgedraag ?
Dao es nemes dae os stuuërdj
Verschrikkelikke bieëldje
Dale op os nieër
Waat laeve vae in wieëldje
Deenk ich kieër op kieër
Ondanks det ut heej zoeë goot es
Klaage vae zoeë gaer
Det alles völs te deur es
En dek oeëver ut waer